1 Եւ Յոբը պատասխանելով ասեց.
2 ա Արդարեւ դուք էք միայն բ ժողովուրդ, եւ ձեզ հետ մեռնելու է իմաստութիւնը։
3 գ Ես էլ ձեզ պէս խելք ունիմ, ես ձեզանից պակաս չեմ. Եւ այսպիսի բաներ ո՞վ չ’գիտէ։
4 դ Իր բարեկամից ծաղր եղող եմ դառել ես, որ ե Աստուծուն կանչեցի, եւ նա պատասխանեց. Ծաղրվում է արդարը՝ կատարեալը։
5 Թշուառին արհամարհանք է վայելում ապահովի կարծիքի համեմատ, որ պատրաստ է ոտքը սահողի համար։
6 զ Ապահով են աւազակների վրանները, եւ հանդարտ՝ Աստուծուն բարկացնողներինը, որ կարծես թէ Աստուծուն տանում է իր ձեռքին։
7 Բայց ա՛ղէ հարցրու անասուններին, որ քեզ սովորեցնեն, եւ երկնքի թռչուններին, որ քեզ իմացնեն։
8 Կամ խօսիր երկրի հետ, եւ նա քեզ կ’սովորեցնէ, եւ քեզ կ’պատմեն ծովի ձկները։
9 Ո՞վ չի հասկանալ այս բոլոր բաներովը, որ Տիրոջ ձեռքն է արել այս բաները,
10 է Որ նորա ձեռքին է բոլոր կենդանիի կեանքը, եւ բոլոր մարդկային մարմնի հոգին։
11 ը Մի՞թէ ականջը չէ որոշում խօսքերը, եւ թ ուտող քիմքը՝ համն առնում։
12 ժ Ալեւորներումն է իմաստութիւնը, եւ երկայն օրերում՝ գիտութիւնը։
13 ի Նորանում է իմաստութիւնը եւ զօրութիւնը. Խորհուրդը եւ գիտութիւնը նորանն է։
14 լ Տես՝ նա կ’քանդէ, ու չի շինուիլ. խ մէկի վերայ կ’կողպէ, ու չի բացուիլ։
15 ծ Տես՝ նա կապում է ջուրերը, եւ նորանք չորանում են, եւ կ բաց է թողում նորանց, ու երկիրը տակն ու վերայ են անում։
16 Զօրութիւնն ու հանճարը նորա մօտ է. Նորանն են մոլորեցնողն ու մոլորեալը։
17 Նա ման է ածում խորհրդականներին կողոպտուած, եւ հ դատաւորներին՝ յիմարացած։
18 Նա է թագաւորների կապերը լուծում, եւ նա է նորանց մէջքին գօտի կապում։
19 Նա ման է ածում քահանաներին կողոպտուած, եւ զօրաւորներին կործանում է։
20 Անձնապաստաններից առնում է նա լեզուանիութիւնը, եւ ծերերի խելքը՝ խլում։
21 ձ Ազնուականների վերայ անարգանք է թափում, եւ զօրաւորների կապը թուլացնում է։
22 ղ Պարզում է խորերը խաւարից, եւ մահուան ստուերը դուրս է բերում լոյսի մէջ։
23 ճ Ազգերին յաջողութիւն է տալիս՝՝, եւ նորանց կորցնում է. Փռում է ազգերը եւ նորանց՝ հաւաքում։
24 Առնում է երկրի ժողովուրդների գլխաւորների խելքը, եւ մոլորեցնում է նորանց մ անճանապարհ անապատում։
25 յ Նորանք խարխափում են խաւարում, եւ լոյս չ’ունին. Եւ ն նա նորանց մոլորեցնում է արբածների պէս։
Յոբ 12